பதிவை எழுதியவர் : திருமலை கந்தசாமி

ஜனவரி மாசம் வந்துடுச்சு. எல்லா நிறுவனத்திலும் இந்த நிதி ஆண்டுக்கான வருமான வரி சேமிப்பு ரசீது கொடுக்கச்சொல்லிருப்பாங்க. அப்புறம் அடுத்த நிதி ஆண்டுக்கான வருமான வரி சேமிப்பு திட்டத்தை கொடுக்கச்சொல்லிருப்பாங்க.

2017 ஏப்ரல் – 2018 மார்ச் – நிதி ஆண்டின் வரிச்சேமிப்பை பார்ப்போம் ..

* இந்த வருடம் முதல் Standard Deduction 40,000 அமலுக்கு வருகிறது . இதன் மூலம் நமக்கான வரிவிலக்கு 2,90,000 ஆக உயர்ந்திருக்கு. இதற்க்கு எந்த ரசீதும் கொடுக்கத்தேவையில்லை. மேலும் பழைய Medical allowance கிடையாது.
Standard deductionனால் பெரிய அளவு நன்மை கிடையாது . ஏற்கனவே கொடுக்கப்பட்ட 19,200 Transport Allowance மற்றும் 15,000 Medical allowance நீக்கப்பட்டிருப்பதை கணக்கில் கொண்டால் வரிவிலக்குத்தொகை 5,800 மட்டுமே.

ஒரே நன்மை – இனி Medical allowanceக்கு ரசீது தரத்தேவையில்லை

* வருமான வரியின் மீதான Cess 4%யாக உயர்ந்திருக்கு. இதன் மூலம் சிறிய அளவு வருமான வரி கூடியிருக்கு.

* 80 சில் காட்டுவதற்காக மொத்தமாக ELSS _ Mutual Fund , NPS(Equity) வாங்குவது நல்லதல்ல.

* 80 சில் காட்டுவதற்காக, சில காப்பீட்டு முகவர்கள் உங்களிடம் உபயோகமில்லாத பாலிசிகளை விற்க முயற்சிப்பார்கள் . கிட்னி பத்திரம் .

* 80 சில் கடைசி நேரத்தில் வாங்குவதற்கு Bank FD , அரசு கடன் பத்திரங்கள் பாதுகாப்பானது என நான் கருதுகிறேன்.

* மருத்துவ காப்பீட்டினை 80D ல் காட்டி வரிச்சலுகை பெற்றுக்கொள்ளலாம்.

உங்கள் நிறுவனம்(Employer) Fuel allowance என்று தனியாக ஒரு fuel expense reimbursement component கொடுத்தால் வரிவிலக்கு பெறலாம். சில நிறுவனங்களில் phone bill , news paper /magazine expense க்கும் reimbursement தர்றாங்க. ரசீது கொடுத்து 100% வரிவிலக்கு பெறலாம் .

My 2 cents : திருமலை சொன்னா மாதிரி, வரி சேமிக்கறேன்னு கடைசி காலாண்டில் impulsive முதலீடு செய்யாதீர்கள் – அது காப்பீடு அல்லது இ எல் எஸ் இஸ் மியூச்சுவல் ஃபண்ட் எதுவாக இருந்தாலும் உண்மையிலேயே தேவை என்றால் மட்டும் செய்யுங்க. தேவையான அளவு காப்பீடு இருந்தால் வேறு காப்பீட்டு ப்ளான் பத்தி யோசிக்காதீங்க. இ எல் எஸ் எஸ் என்றில்லை எந்த மியூச்சுவல் ஃபண்டிலும் மொத்த முதலீடு செய்வது நல்லதல்ல. உங்க போர்ட்ஃபோலியோவில் இ எல் எஸ் எஸின் தேவை இருந்தால் எஸ் ஐ பி முதலீடு ஆரம்பிங்க.